3 ölçülü yeni yüksək texnologiyanın tətbiqi sayəsində Google öz məhsullarına bir yenisini də əlavə edə bilər. Söhbət Google Body brauzerindən gedir.

İnsan anatomiyasında yeni bir cığır açacaq bu google məhsulu anatomiya çalışmalarında və sürətli tibbi araşdırmalarda çox faydalı ola bilər. Hələlik rəsmi olaraq tam açıqlanmayan Google Body eyni ilə Google Earth kimi xüsusiyyətləərə sahib olacaq. İstifadəçilər Google Earth vasitəsilə dünyanı necə izləyirdilərsə o şəkildə də insan orqanizmini izləyib öyrənə biləcəklər. Google-un bu yeni layihəsinin ilkin tanıtma toplantısında iştirak edən bir bloq yazarı fikirlərini bu şəkildə qeyd edir : “Google bu yeniliklə anatomiya elminin inkişafına və onun tədrisinə çox böyük bir töhfə verəcək. Ötən il bir şirkətin xüsusi hazırlanmış proqramı sayəsində 3 ölçülü insan anatomiyası kurslarında iştirak etmişdim və bu insan orqanizmini öyrənmək baxımından mənimçün çox faydalı oldu. İndi Google bunun daha təkmil variantını internet üzərindən hər kəsə təqdim edəcək.” Yayılan məlumatda daha sonra qeyd olunur ki, Google bu yeni məhsulunun ilk öncə beta vaiantını Google Chrome və Firefox vasitəsilə təqdim edə bilər.

Mənbə: bbm.az