“HipHop for PHP” proqram dilini “C++”a çevirən platforma təqdim olunub

“Facebook” sosial şəbəkəsinin tərtibatçıları PHP proqram dilində yazılmış kodu “C++” dili koduna çevirən və bununla da əlavələrin işini sürətləndirən “HipHop for PHP” proqram platformasını təqdim ediblər.

Lent.az-ın Rabitə və İnformasiya Texnologiyaları Nazirliyinin rəsmi saytına istinadən verdiyi məlumata görə, yeni platformanın çıxış kodları açıq olduğundan sözügedən layihənin inkişafında istənilən istifadəçi iştirak edə bilər.

“HipHop PHP” dünyanın ən iri sosial şəbəkəsinə onun veb-serverlərindəki prosessorlarının yüklənməsini iki dəfə azaltmaq, habelə ay ərzində 400 milyard PHP-səhifələrin açılma sürətini artırmaq imkanı verib. Belə vəziyyətdə server sayına olan tələbat azalmaqla şirkətin xərcləri də azalıb.

İki il ərzində işlənib hazırlanan layihə hazırda 300 min kod səh[b]

ifəsindən ibarətdir və bu günə kimi beş mindən çox sınaq işlərindən keçib. Bəzi məhdudiyyətlərlə işləyən “HipHop for PHP” “C++” dili üçün çox mürəkkəb və ya sürətsiz “PHP” konstruksiyaları emal etmir.

Qeyd edək ki, “PHP” – veb-işləmənin ən tanınmış dillərindən biridir. Bu platforma 20 milyondan çox saytda istifadə olunur.