Qeyri-latın domenlərin tətbiqinə razılıq verildi

İnternetdə domen adlarının idarə olunması ilə məşğul olan ICCAN Beynəlxalq Qeyri-Kommersiya Təşkilatı qeyri-latın əlifbası ilə yazılmış ilk domen adlarının tətbiqinə razılıq verib.

Lent.az-ın Rabitə və İnformasiya Texnologiyaları Nazirliyinin rəsmi saytına istinadən verdiyi məlumata görə, ICANN-dan kiril və ərəb hərfləri ilə yazılmış domenlərə dair ilkin razılığı Rusiya, Misir, Səudiyyə Ərəbistan və BƏƏ alıblar.

ICANN-ın icraçı direktoru və prezidenti Rod Bekstrom deyib ki, bu hadisə internet tarixində dönüş yaradacaq.

Yeni domen adları ilə işləyə biləcək elektron poçt əlavələri üçün texniki standartların artıq hazır olmasına baxmayaraq, istifadəçilər elektron poçt adlarının yazılışı üçün hələ ki latın əlifbasından istifadə etməli olacaqlar. Hazırda ICANN-a daxil olan səkkiz dillə bağlı qalan 16 ərizəyə təşkilatda baxılır.


mənbə: lent.az

Əlavə(Admindən): Məqaləni oxuyub tam başa düşməyənlər üçün deyim ki, bu o deməkdir ki, artıq saytların adında kiril, ərəb vəs əlifabasının hərifləri olacaq. Misal üçün азербайджан.рф
Təəssüflər olsun ki, hələ heç bilinmir ki, nə zaman Azərbaycan əlifbası standartda olan əlifbalar siyahısına daxil olacaq.