Allah insanlara iki kitabı oxumağı və öyrənməyi məsləhət görüb:Qurani-Kərimi ve Kainat kitabını Allah insanlara iki kitabı oxumağı və öyrənməyi məsləhət görüb:Qurani-Kərimi ve Kainat kitabını.
Birincisi,Qurani-Kerimin ayələrini və onların hərfi mənasını bilmək hələ Allahın buyurduğu "Qurani-Kərimi öyrənmək" demək deyil.Qurani-Kərimi öyrənmək onun ayələrindəki hikməti görə bilməkdir,ya da ən azindan görməyə çalişmaqdır.Amma mənani demirem,hikməti!Yəni mənanı görmək dedikde çox insan üzdə olan mənanı başa düşür.Mən gizlənmiş olan ve kimlərsə terefinden kəşf edilməyi gözləyən mənani,yəni hikməti deyirəm.Qurani-Kərimin "Kərim"liyi elə bundadir.

Kainat kitabını oyrənmək ise Allahın elmini öyrənməkdir.Onsuzda Allahın elmindən kənarda elm yoxdur.Yəni bizim elm deyib öyrəndiyimiz şey,elə Allahın yaratma sənəti ve elminden başqa bir şey deyil.

Allah kainatı öz elmi ilə sonsuz dəqiqliklə və gözəlliklərlə dolu yaradıb və Qurani-Kərimi insanlara öz elmini öyrənmək yolunda bələdçi kimi göndərib.Görduyümüz kimi elm Islamın tam mərkəzinde,Qurani-Kərimle bərabər dayanıb.Belə olan halda elmlə dinin ayrı olduğunu kim deyə bilər?!

Amma bizim ve bir çox ölkələrin məktəb dərsliklərində,hətta çox aşağı sinif dərsliklerində də elmlə dinin ayrı-ayrı aləmlər olduğu öyrədilir.Şəxsən mənim hansısa məktəb dərsliyində belə bir neçə cümlə oxuduğum yadıma gəlir ki,dünyada elm aləmi var,bir de din aləmi.Guya ki,elm dəqiqlik ve məntiq aləmidir,din ise insanların dünyada barış ve ədalət olması üçün uydurduğu,məntiqsiz yalanlardır.

Kitabın yazdıgı yaxşı niyyətli kimi görünsə də əslində buradan elə bir nəticə çıxır ki,"məntiqli" heç bir insan bu yalanlara inanmaz.

Belkə də heç azyasli şagird bu nəticəni çıxarda bilməz,ən azından o yaşda şagird dünyanı məktəb dərsliklerindən öyrənir və onda hələ analiz etmə qabiliyyəti tam formalaşmadıgı üçün oxuduqlarının hamisını həqiqət kimi qəbul edir və şüuraltında böyük izlər qoyur.

Buna hələ də dərsliklerimizdə Çarlz Darvinin Təkamül nəzəriyyəsinin öyrədilməsini misal göstərmək olar.Birincisi bu nəzəriyyənin səhv olduğu Islam alimləri tərəfindən,özü də tam şəkildə və elmi faktlara əsaslanmaqla çoxdan isbat olunub.Böyük türk Islam alimi Harun Yəhyanı tanıyanlar bunu daha yaxşı bilirlər,onun Azərbaycanda da bir çox əsəri öz dilimizdə çap olunub.Amma bundan yalnız möminlərin və kitab oxumaqla arası olanların xəbəri var.

Kimsə dəyə bilər ki,Təkamül Biologiyanın ən əsas ve inkişaf etmiş nəzəriyyəsidir,onu öyretməyək,bəs nəyi öyrədək?Onlara cavabımız odur ki,ona qalsa Nisbilik nəzəriyyəsi də Fizikanın ən əsas və inkişaf etmiş nəzəriyyəsidir,amma bizim Fizika dərsliklərində bu nəzəriyyə haqqında nisbətən az məlumat var.Sonra da ki,əgər Biologiyanın ən əsas və inkişaf etmiş nəzəriyyəsi səhvdirsə,onda heç sözümüz yoxdur!

Amma hər elm kimi Biologiyaya da çox hörmet və rəğbətimiz var və heç bir elmi o birinden əksik də hesab etmirik. Sadəcə bu səhv nəzəriyyəni Biologiyanın əsas nəzəriyyəsi kimi göstərənlərin bir məqsədi olduğunu bildirmək istəyirik.Biologiyanın daha böyük uğurları və nəzəriyyələri də var,onlar oyrədilsə heç də bizim şagirdlərin savadı az olmaz.

Hətta dərsliklərdə bu nəzəriyyənin səhv olduğu,ya da Islama göre səhv olduğu göstərilsə də,yənə də bu qədər incəliklə oyrədilməsi düzgün deyil.Bunun da əsas səbəbi dediyimiz kimi,şüuraltıdır.Beyində elə bir mexanizm var ki,o saniyə-saniyə gördüyümüz,eşitdiyimiz,oxuduğumuz hər şeyi yaddaşına kasset kimi yazır,insan fərqinə varmasa da o məlumatlar ora yazılır ve yadına sala bilməsə də orda olur.Ordakı məlumatlar isə bizim şüurumuzun altını,yəni bazasını təşkil edir.Yəni biz nəyi ən çox oxuyur,öyrenir,görur,eşidiriksə o bizim həyatımıza istiqamət verir.Insan şüuru ilə nəsə qərar çıxarmaq istəsə ordakı məlumatlara əsaslanır.

Yalnız dərsliklər yox,televizor,radio,qəzetlər,internet,hətta mahnılar,rəsm əsərləri də bizim şüuraltımızı bələ fikirlərlə doldurur.Və belə fikirlərlə şüuraltı dolanlar da gələcəkdə Islamla tanış olduqda,istər-istəməz onu yalan kimi,yaxşı halda isə inanc məsələsi kimi görür və onun qaydalarına əməl etməyi ise artiq iş kimi görür.

Əlbəttə bununla mübarizə aparmağın yolu ətrafımızdakılara Islamı bacardığımız qədər doğru izah etməkdir.Amma onların çoxusunun şüuraltı əvvəl qeyd etdiyimiz fikirlərlə dolu olduğuna görə bizə ürəkdən inanmaya bilərlər.Bunun da çarəsi daha çox gənc nəslə izah etmək,valideynləri kimi tərbiyədə,dost,yoldaş,qohum kimi isə adi həyatda bu məsələlərə yer verməklə mübarizə aparmağa çalışmaqdır.

Sağ ol dedilər: Seo tae neul,Sedosh,Nigar_032,Rey Mysterio,R.G,Avisenna,utopiya.