Enerji
İnsan beyni gün ərzində 12 Vat enerji sərf edir. Bu qədər enerjini almaq üçün 2 dənə banan yemək kifayətdir. Daha bir maraqlı fakt odur ki, beynimiz insanın çəkisinin cəmisi 3 faizini təşkil etsə də ümumi sərf olunan enerjinin 1/6-i beynimizin payına düşür.

Gün rejimimizin pozulması beynimizin məhsuldarlığını azalda bilər.
Təcrübələr göstərir ki, gün rejimi pozulan insanlarda bir çox problemlər olur və bunların bir hissəsi beynimizlə əlaqədardır. Ən böyük problem isə yaddaşla əlaqədar olur. Araşdırmalara əsasən tez-tez bir saat qurşağından digərinə keçən insanlar(siyasətçilər, biznesmenlər, pilotlar və s) çox tez-tez yaddaş problemləri olur.

Niyə biz səsküylü otaqda telefonla danışan zaman fikrimizi cəmləyə bilmirik?
Məqaləni tərcümə etdiyim mənbədə olan bu sualın cavabı məni qane etmədiyi üçün öz bildiyimlə sizə cavabı verəcəm. Təkamül nəticəsində biz instiktiv olaraq bütün səsləri eşitməyi öyrənmişik, əgər belə olmasa idi çoxumuz müxtəlif hadisələrə görə ölə bilərdik(bunu bacarmayanlar ölüblər-natural selection). Bütün proseslər elə qurulub ki, bir iş aktivləşəndə digəri tormozlanır(termin olaraq bunlara nə ad verildiyi dəqiq yadımda deyil). Misal üçün, bizim başımız nə qədər çox ağrısa da əlimizi birdən qaynar dəmirə vursaq o anda başımızın ağrısı yaddan çıxacaq. Bunun niyə belə olmasına aid mən 3-4 məqalə gərək yazım . Qısa desək biz belə yaramışıq ki, hər bir informasiyanı az-az qəbul edək, ancaq eyni zamanda biz fikrimizi toplamağa da qadirik. Məqalənin orijinalında isə bu problemin aradan qaldırılması üçün sadəcə telefonla danışan zaman bir qulağımızın əlimizlə tutmaq digər qulağımıza isə telefonun dəstəyini yaxınlaşdırıb danışmaq məsləhət görülür .