Düşünürəm Koreya haqqında heç informasiya verməyə dəyməz. Yuxarıda olan keçidlə keçib bəzi ölkələrdə olan internetin sürəti ilə Azərbaycanda internetin sürətini müqayisə edəndə onsuz insan əsəbiləşir. İndi mən sizə Koreya haqqında informasiya versəm lap dəhşətə gələcəksiniz.
Mən Koreyada minimum maksimum internet sürətini bilmirəm, ancaq özümün və yaxın tanışlarımın internet sürətindən yazacam.

Koreyada hər bir yataqxanada hər kəsin otağında internet kabelləri hazır olur və yataqxanadan asılı olaraq siz bəzən onu pulsuz istifadə edirsiniz bəzən pullu. Bundan əvvəl mənim qaldığım yataqxanada 2 cür internet təklif elədilər mənə bizim pulla bunlardan biri hardasa 22 manat digəri 12 manat. Mən ən ucuzunu aldım və belə oldu ki ən ucuz internetin sürəti 10Mbit/san saniyədir. Düşünün bu bir adi tələbəyə verilən ən aşağı sürətdi və cəmisi 12 manata. Heç bir yükləmə zamanı yaddaş limiti və ya saat limiti yoxdur. İndi qaldığım yataqxanada da demək olar eyni sürətdir, ancaq burada interten pulsuzdur(yataqxananın puluna daxildir). Başqa olduğu yerlərdə də gördüyüm təcrübə budur ki, bu sürətdən yüksək sürət var, ancaq aşağı yoxdur və qiymətlər çox münasibdir. Nəzərə almaq lazimdir ki, 12 manat Azərbaycanda internet üçün bir o qədər böyük pul deyil və Koreyada olan qiymətlərlə müqayisədə bu çox ucuzdur demək olar. Bir maraqlı faktı da deyim. Bir neçə gün əvvəl məndən bir koreyalı soruşdu Azərbaycanda interetin sürəti neçədir və ardınca artırdı ki, o ABŞ-da olanda interetin sürəti Koreyada az olduğunu görüb çox təəccüblənib və ona maraqlıdır ki, hər yerdə internetin sürəti ABŞ-da olduğu kimidir. ABŞ-da onun gördüyü sürət təxminən 3-4 Mbit/san olub.Mən bu sualı eşidib lap heyrətə gəldim. Bilmədim nə cavab verim. Bu insan düşünür ki, 3-4 Mbit/san saniyə azdır Azərbaycanda isə bu dəqiqə mübarizə gedir ki, gəlin elə edək ki, hər kəsdə interneti sürəti orta hesabla 512 Kbit/san saniyə olsun. Məndə dedim ki, hə bizdə də Koreyadan azdır, amma nə qədər az olduğunu demədim çünki düzünü demək biabırcılıqdı və yalanda danışmaq istəmirdim.
Bax beləcə. Buyurun fikirlərinizi deyin və başqa xarici ölkədə olan olubsa ordaki sürət haqqında informasiya versin.

P.S(Bəzi statistikalara əsasən Yaponiya digərlərinə əsasən Koreya internetin sürətində dünyada liderdir).