Siz də yəqin fikir vermisiniz ki,ancaq gecə hava qaranlıq olan vaxt çəkilən şəkillərdə qırmızı gözlər olur.Bəs bu niyə belə olur?
İşıqlı bir yerə daxil olduqda göz bəbəyimiz kiçilir,qaranlıq bir yerə daxil olduqda isə göz bəbəyimiz daha çox işıq qəbul etmək üçün böyüyür.İndiki fotoaparatlara baxdıqda isə fləş(bir anda parlayan) işıqdan istifadə etdikdə fotoaparat bir anda ani olaraq çox qüvvətli bir işıq verir.Göz bu qısa vaxtda kiçilmək üçün lazımi vaxtı tapa bilmir.İşıq birbaşa gözün retina adlı təbəqəsinə düşdüyündən orda olan kiçik damarların görüntüsü əks olunur.
Bunun qarşısını almaq üçün yeni bir funksiya olan "Red Eye" modulunda çəkdikdə isə işıq iki dəfə verilməklə birincidən sonra göz bəbəklərinin kiçilməsi gözlənilir.
Onu da qeyd edim ki kompüterdə sonradan qırmızı gözləri düzəltmək üçün istifadə olunan alətlərdə isə sadəcə qırmızı rəngi uyğun rənglə əvəzləmək prinsipindən istifadə olunur.