Qəribə ronqo-ronqo yazıları
Dünyanın ən qəribə və maraqlı yerlərindən biri Pasxa adaları hesab olunur. Bu adalar Çilinin ərazisinə daxildir. Bu adaların qəribəlikləri çoxdur. Bunlardan biri odur ki, bu adalar avropalılar tərəfindən zəbt olunmamışdan öncə yerli əhalinin öz əlifbası olub. Daha sonra avropalılar yerli əhaliyə öz əlifbalarından istifadə etməkla yazmağı qadağan edir. İndi dünya alimlərini maraqlandıran odur ki, necə oldur ki, bu balaca adanın özünün əlifbası oldu? Bu adanın ətrafından onlarca başqa adalar da olsa onların heç birində əhali əlifbanın nə olduğunu bilmir. Bu yer haqda gələcəkdə xüsusi bir məqalə yazmaq istəyirəm, çünki çox maraqlı yerdir(istəyənlər yazıb göndərə bilərlər).

Bataqlıqda olan adamlar
Şimali avropanın bataqlıqlarında bir çox meyitlər tapılıb. Bu meyitlərin qəribə cəhəti odur ki, onlar bugünə kimi çox yaxşı vəziyyətdə qalıblar. Alimlər güman edirlər ki, belə meyitlərin sayı təxminən 1000-ə yaxındır. Hər bir meyiti araşdıran zaman məlum olub ki, onlar vəhşi cəsinə öldürülüblər. Nədən onların öldürülməsi hələ də məlum olmasa da alimlər hesab edirlər ki, səbəb dini ayinlərdir. Onu da qeyd edim ki, bəzi meyitlərin təxminən 20 əsr bundan əvvəldən orada(bataqlıqlarda) olması deyilir.


Silsilənin davamı olacaq.