Bugün mən Koreyada olan metro sistemi ilə Azərbaycandaki metro sistemini müqayisə edəcəm.Əvvəlcədən deyim ki, bizim metronun da öz üstünlükləri var.
Ümumi məlumat:
İlk olaraq onu deyim ki, Seoul metrusuda təxminən 150-ə yaxın stansiya var.Burada metro 10 xəttdən ibarətdi. Koreyada statistikaya görə metrodan hər gün təxminən 4 milliona yaxın insan istifadə edir.Qiymət isə getdiyiniz məsafədən asılı olaraq dəyişir.Ən azı 1,000 won yəni təxminən 70 qəpik ödəməlisiniz.Metro o qədər böyükdür ki, ətraf şəhərlərə də getmək olar.
Fərqlər:
1)Burada qatarlar daha genişdir.
2)Burada yayda çöldə hava çox isti olsa da qatar daxilində həmişə kondisioner işlədiyi üçün daxildə həmişə sərin olur.
3) Burada metrodan istifadə eləmək üçün siz ya pul verib kiçik bilet ala bilərsiniz ya da burada bir çox növü olan nəqliyyat kartindan istəfadə edə bilərsiniz(2-cinin üstün cəhəti çoxdur).
4) Metro böyük olduğundan ilk istifadə zamanı bəzən nəisə səhv salmaq olar(Əsasən ilk vaxtlar )
5) Burada stansiyalar arası məsafə bizim stansiyalar arası məsafədən daha az olduğu üçün qatarlar yavaş gedir.
6) Burada nəqliyyat kartını həm metroya daxil olanda, həmdə metrodan çıxan zaman xüsusi qurğudan keçirtmək lazımdır.(Azərbaycanda yalnız metroya daxil olan zaman bunu edirik).Metrodan çıxanda bunu ona görə etməlisən ki, metroya daxil olan zaman avtomatik olaraq sistem bizim kartdan təxmini 70 qəpik çıxır.Əgər biz normadan daha çox məsafə getmişiksə onda çıxan zaman kartı qurğudan keçirəndə sistem bizim kartdan əlavə getdiyimiz yola uyğun pul çıxacaq.
Koreya metrosunda olan bizdə olsa çox yaxşı ola biləcək xüsusiyyətlər:
1) Koreya metrosunda qatarların daxili elə qurulubki hər bir qatarın orta hissəsində olan oturacaqlarda hər kəs otura bilər, kənar hissələrdə isə bəzən oturacaq olur bəzən isə boş olur.Kənar hissələrdə olan oturacaqlar yaşı çox olan insanlar üçündür.Ona görə orada oturan olmasa belə cavanlar orada oturmurlar. Bəzən isə kənar oturacaqların yeri boş olur bu isə kalaskası olan şəxslər üçündür, yəni onlar artıq kalaska ilə qatarın ortasında yox xüsusi bir yerdə dayana bilərlər və ya əgər kimsə hər hansı yük daşıyırsa onda həmən adamlar yüklərini ora qoya bilərlər.İndi sual yaranır bəzi vaqonlarda kənarlarda yaşlılar üçün oturacaqlar var bəzi vaqonlarda isə həmən yerlər boş olur.Bəs vaqona minən nə bilir ki, o hansı vaqonda boş yer tapa bilər(və ya yaşlı insandırsa onda özünə oturacaq)?
Burada qatarlar elə qurulub ki, qatar gedəndə belə bir vaqondan o biri vaqona keçmək olur, yəni siz mindiyiniz qaratda yükünüzü rahat qoya biləcəyiniz yer yoxdursa onda digər vaqona keçin.
2) Koreya metrosu belə qurulub ki, siz metrodan çıxanda düz metronun qarşısında bir neçə avtobus olur və hər bir avtobus metro yaxınlığında olan yerlərə sərnişinləri aparır.Əgər siz metroda metro kartından istifadə edib minmisinizsə onda siz avtobusa minəndə o kartdan istifadə edib pulsuz avtobusdan istifadə edə bilərsiniz.İndi özünüz fikirləşin nə qədər yaxşı sistemdir.Metrodan çıxan kimi qarşınızda avtobus dayanır və avtobus sizi metro yaxınlığındakı istənilər bir yerə pulsuz aparır.
Düşünürəm digər fərqlərdə var, amma yazdıqlarım ən əsaslarıdır. Məqaləmdə nəisə anlamasanız şərh yazın.
Fikirlərlərinizi bildirməyi unutmayın.