Maşınların növü
Koreyaya gələn ilk gün mənim üçün ən qəribə şeylərdən biri yollarda olan maşınların demək olar ki, hamısının Koreya maşını olması oldu. Bütün yollar ancaq hundai, kia, daiwo, samsung maşınları idi.Bəli,bəli düz oxudunuz, samsung. Maşın həvəskarları üçün deyim ki, samsungun da öz maşını var. Çox nadir hallarda bmw və mersedes görmək olar. Digər markaları görmək üçün isə çalışmaq lazımdır:)

Motosiklet
Koreyada yollarda kifayət qədər tez-tez motosikletlər görmək olar. Onlar həm çox ucuz, həm benzinə qanəatkar, həm də tıxac olan zaman çox sürətli hərəkət edə bilirlər. Bilirsinizmi bizdə niyə motosiklet yoxdur? səbəb çoxdur, ancaq ən əsas səbəb odur ki, bizdə maşın sürücüləri çox təhlükəli sürürlər. Əgər maşın ilə maşın toqquşan zaman maşın zədə alırsa motosiklet ilə maşın toqquşsa bu motosiklet sürücüsünün ölümü ilə nəticələnir. Kim ölmək istər ki?
Koreyada isə bu minik vasitəsi çox geniş yayılıb və burada olan azərbaycanlı tələbələrin bir çoxu özləri üçün moto alıblar.

Bu Koreyanının nəqliyyat sistemi haqda sonuncu məqalə idi. Ümid edirəm ki, bu 4 məqalənin sonunda fərqi özünüz hiss edə bildiniz və maraqlı oldu.