Koreyada başımıza çox maraqlı hadisə gəlib. Onlardan birini indi sizinlə bölüşmək istəyirəm. Koreya gələndən bir neçə ay sonra özümə kompüter almağa getdim. O zaman artıq Koreya dilində danışa bilirdim, ancaq təbii olaraq bir o qədər də yaxşı yox. Koreya dilində özündən böyük insanla danışmaq stili ilə özündən kiçik insanla danışmaq fərqlidir. Necə ki, bizdə özündən böyüyə Necəsiniz deyirik və dostlarımıza nətərsən desək də olar. Koreya dilində "sən "sözü olsa da "siz" sözü yoxdur. Bu səbəbdən özündən böyüyə müraciət edən zaman onun adını çəkmək, ixtisası demək(misal üçün müəllim və s) lazımdır. Mən satıcı ilə danışan zaman nədənsə cümlələrim elə qurulurdu ki, siz demək lazım olurdu. Satıcının nə adini bilirdim və nə də satici sözünü Koreya dilində bilirdim ona görə elə hər dəfə siz demək istəyəndə no(yəni sən) deyirdim. Özüm bilirdim ki, səhv deyirəm, amma dediyim kimi ağlıma digər söz gəlmirdi. Düşündüm ki, mən xariciyəm deyə dayı məni bağışlayar:) Bir dəfə, iki dəfə 4-5 dəfə deyəndən sonra hiss elədim ki, sifət yavaş-yavaş dəyişir . Özünüz təsəvvür edin. Bir tələbə 50 yaşında kişiyə deyir ki, SƏN bunu neçəyə satırsan vəs. Koreyada özündən böyüyə sən demək həddidən artıq mədəniyyətsizlikdir. Bu vəziyyəti görüb elə bilməmiş kimi tez söhbəti bitirdim ki, çox əsəbiləşməsin:)

P.S Məqaləni yazmağımın əsas səbəbi o oldu ki, çox insana xaricdə onların başlarına gələ biləcək hadisələr maraqlı olur. Ona görə düşündüm ki, bizim istifadəçilərə də maraqlı olacaq. Əgər bu tipdə yazıları xoşlasanız o zaman başıma maraqlı hadisələr gəldikcə sizinlə bölüşməyə çalışaram.