Vaxt keçdikcə hər şey dəyişir.

Artıq 3 ildir ki, xaricdə yaşayan bir tələbə kimi bu saytı yaradan zaman olan düşüncələr ilə indikilər arasında çox fərq var. Bir zamanlar qəti yox dediyim məsələlərə indi bir mənalı hə deyirəm və tərsinə.

Saytı yaradan zaman indiki dizaynı özüm seçmişdim və saytda olan bölmələrı maraqlı hesab edib açmışdım.

İndi isə saytın dizaynı mənə çox uşaqsayağı, bölmələrin təxminən yarısı lazımsız, saytın funksionallığı kifayət qədər şablonal, hər gün xəbər dərc etmək isə ağır bir yük kimi gəlir.

Bura sayta mütəmadi müəyyən qədər pul sərf ediyim halda heç bir maddi gəlirin olmaması, dərslərin bəzən həddindən artıq çətinliyini və s daxil olunsa o zaman düşünürəm ki, vəziyyəti təsəvvür etmək asanlaşar.

Digər tərəfdən sayta hər gün 400-ə yaxın istifadəçinin daxil olması(Azərbaycanda heç əksər qəzetın 2,800 həftəlik tirajı yoxdu), hər gün bir neçə yeni istifadəçidən xoş sözlər eşitməm saytın işini davam etdirməli olduğum haqda fikirlərimə təkan olur. Bu arada dəstək olan hər kəsə dərindən minnətdaram.

Hələki yalnız onu deyə bilərəm ki, qarşıdakı 2 ayda saytda bəzi dəyişiliklər etməyə çalışacam. Ümid edirəm ki, dəyişiliklərdən sonra sayt daha çox xoşunuza gələcək.