Millimizin üzvü yanvarın 5-də «Tvente» ilə müqavilə imzalayacaq
Futbol üzrə milli komandanın üzvü Vaqif Cavadovun yeni ildə şərəfini qoruyacağı klubun adı müəyyənləşib. Rusiya Premyer Liqasında oynamaq istədiyini deyən Cavadov fərqli seçim edib. Dünən yayılan xəbərlərə görə, Vaqif Hollandiyanın "Tvente" klubu ilə anlaşıb. "Bakı" ilə oyundan sonra "Qarabağ"la vidalaşan Cavadov üç gün istirahət etmək üçün yollandığı Dubay tətilini başa vurub, Bakıya döndükdən sonra Hollandiyaya yollanaraq, yeni müqavilə imzalayacaq. Artıq "Qarabağ"la "Tvente"nin Vaqifin transferi ilə bağlı razılıq əldə olunub. Futbolçu özü də bunu təsdiqləyib: «Artıq ilkin anlaşma əldə olunub. Yanvarın 5-də rəsmi müqavilə imzalanacaq». Qeyd edək ki, Vaqif bir neçə gün öncə Bakını tərk edib. O paytaxta bir də dekabrın 30-da dönəcək. Cavadov hazırda Dubayda istirahət edir. «Bakı» ilə oyundan sonra isə o, «Qarabağ»la vidalaşıb. Matç başa çatandan sonra paltardəyişmə otağında baş məşqçi Qurban Qurbanov «Qarabağ»ın hücumçusuna əməyinə görə təşəkkür etməklə yanaşı, yetirmələrinə onun yeni ildən artıq komandanın düşərgəsində olmayacağını bildirib.
P.S(Admindən) Xəbəri oxuyandan çox sevindim. Bu uğurun birinci hissəsidir. Əsas olan başqa mühitdə əzilməməkdir. İnşallah Vaqif bunu bacarar!
: (634) | Müəllif 
: 
Çap elə
: yoxdur | Şərhlər 
: ¹8 | Qeydiyyatdan keçib: 
: 14.03.2010
| Yaşayış yeri 
: gence 
