Bu məqalədə saytımızın dəyərlə istifadəçilərinə saytda olacaq yeniliklər, uğurlar və problemlər haqda hər zaman olduğu kimi məlumat vermək istəyirəm.

Yeniliklər

1) Saytımızda bir zaman problem olduğundan tesekkur və s tipli sözləri yazmaq olmurdu. İndi bu problem düzəldi və siz rahat istədiyinizi yaza bilərsiniz.

2) Saytın qaydalarını əks etdirən bəzi məqalələr yenidən yazıldı. Düşünürəm ki, onlar indi nisbətən daha asanlaşdı.

3) Mart ayına qədər saytda bir çox dəyişiliklər olacaq və martda dərslər başladığından sonrakı 4 aydan böyük dəyişiliklər olmayacaq. O zamana qədər olan dəyişiliklər isə əsasən dizayn və yeni funksiyalarda olacaq. Yayda isə nəyahət ən azı forumu açılacaq və müsabiqəni yeni şərtlərlə başlayacaq.

Uğurlar
1) Ən böyük uğur düşünürəm ki, sayta daxil olmaların sayıdır. Artıq hər gün 200-240 nəfər sayta daxil olur və bütün bunlar o fonda gedir ki, bizim sayt heç bir şou tipli xəbər dərc eləmir. Bu onu göstərir ki, hər kəsin dediyi kimi biliyə qiymət verən yoxdur kimi mənasız ifadələrə inanmaq lazım deyil.


Problemlər
1) Ən böyük problem zaman azlığıdır. Çox istəyirəm ki, saytda başqa ölkələrdə olan təhsil haqqında məqalələr hazır edim, ancaq sayta xəbər hazırlamağa və şərhlərə vaxtım çox getdiyindən bu tip xəbərlərə vaxt az qalır. Çox istərdim ki, saytın istifadəçiləri, xüsusilə də status alanlar daha aktiv olsunlar. O zaman mən xəbər hazıramağa gedən zamanı digər işlərə ayıraram və sayt çox daha maraqlı olar.