Dünən təsadüfən gördüm ki, Aznetdə bizim saytın oğurluq versiyası ortayaq çıxıb! Sonda həmən saytın ünvanını yazacam ilk olaraq çox istərdim ki, bir neçə cümlədən ibarət fikirlərimi oxuyasınız.
Saytın dizaynı bizim saytın dizaynının eynisidir. Deyə bilərsiniz bu necə ola bilər? Bilməyənlər üçün deyim ki, İT sahəsində buna rip deyirlər. Yəni bir saytı xüsusi vasitələrlə bütün səhifələrini oğurlayırsan. İndi həmən sayt, çox sağ olsunlar, bizdən bir şey soruşmadan saytımızı rip ediblər və o qədər biabırçı ediblər ki, heç rip ediləndən sonra demək olar ki, heç nəyi dəyişməyiblər. Sayta baxsanız görərsiniz ki, logo yerində öz saytlarının adını yazmayıblar, dost saytlar bölməsi bizim saytla eynidir və s. Ən biabırçı isə odur ki, admin sağ aşağı tərəfdə yazıb ki, saytı guya onun özü dizayn edib Onda biz nə etmişik?
Əziz istifadəçilər görürsünüzdə Aznetin səviyyəsini. Əksər saytlar bir-birlərindən xəbər oğurlayır mənbə yazmırlar, əksər saytların dizaynı eyni, xəbərlər ancaq fotosessiya, kim kimi nə dedi və s. TV-də şou, qazetlərdə şou, musiqidə şou. Bir internetimiz var onu da şou edirlər! Ona görə biz bu sayt yaratdıq. Göstərək ki, bizim millətdə şoudan fərqli insanlar da var! Bizim millətin xaricdən Azərbaycana baxıb ürəyi ağrıyanlar və onu dəyişməyə çalışanlar da var. Ona görə də hər zaman sizdən istəmişik ki, gəlin birləşək güclü olaq. Ona görə də hər zaman sizdən istəmişik ki,xəbər göndərəndə mənbəni göstərəsiniz.
Hələ belələri çox olacaq. Amma BİZ birlikdə qalib gələcəyik və sonda Azneti dəyişənlərdən biri olduğumuz üçün fəxr edəcəyik!. İnşallah

Həmən saytın ünvanı pink.az-dır.

Sonda bir xoş xəbəri də sizə deyim. Dünən saytımız yeni bir rekord qırdı! Dünən sayta daxil olanların sayı 102 nəfər olub. Hamınızı təbrik edirəm. Bu o deməkdir ki, işimizə qiymət verənlər var. Bu ay mənim imtahanlarımın hamısı bitəcək və gələn ildən saytda HƏR HƏFTƏ bir yenilik olacaq. Saytımıza bəzi xarici ölkələrdən qoşulanların olacağı gözlənilir. Eyni zamanda saytımızda olan müsabiqə də yaxın zamanda başlaya bilər(istifadəçi sayından asılı olaraq).

Bir daha bizə indiyə qədər dəstək olduğunuz üçün təşəkkür edirik və istərdik ki, daha aktiv olasınız, çünki biz daha sürətli inkişaf istəyirik.

Bizlərə uğurlar!